ಹಾಸನ ಜಿಲ್ಲೆಯ ಕಾಡು ಪ್ರದೇಶದಲ್ಲಿ ಕಾಣಿಸಿಕೊಂಡ ವೈಲ್ಡ್ ಭೀಮ ಎಂಬ ಆನೆ, ಸ್ಥಳೀಯರ ಹೃದಯ ಗೆದ್ದಿದೆ. ಇತ್ತೀಚೆಗೆ “ಕ್ಯಾಪ್ಟನ್” ಎಂಬ ಇನ್ನೊಂದು ಆನೆ ಜೊತೆ ನಡೆದ ಕಾದಾಟದ ದೃಶ್ಯಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿ, ಜನರ ಗಮನ ಸೆಳೆದಿವೆ.
ರಾಜ್ಯದಲ್ಲಿ ಮನುಷ್ಯ ಹಾಗೂ ವನ್ಯಜೀವಿನಗಳ ನಡುವಿನ ಸಂಘರ್ಷ ದಿನದಿಂದ ದಿನಕ್ಕೆ ಹೆಚ್ಚುತ್ತಿವೆ. ಕಾಡಾನೆಗಳ ದಾಳಿಯಿಂದ ಜನರು ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ಮತ್ತೊಂದು ಕಡೆಯಲ್ಲಿ ಹುಲಿ ದಾಳಿಗೆ ರೈತರು, ಕಾರ್ಮಿಕರು, ದನ ಕರುಗಳು ಬಲಿಯಾಗುತ್ತಿವೆ. ಇಂತಹ ಸಂದರ್ಭದಲ್ಲಿ ವನ್ಯಜೀವಿಗಳ ಮೇಲಿನ ಕೋಪ ಭಯದಿಂದ ಅವುಗಳನ್ನು ಕೊಲ್ಲುವಂತಹ ಸ್ಥಿತಿ ನಿರ್ಮಾಣವಾಗಿದೆ. ಇಂತಹ ಸಂದರ್ಭದಲ್ಲಿ ಹಾಸನ ಜಿಲ್ಲೆಯ ಜನರು ಕಾಡಾನೆಗಳ ಮೇಲೆ ತೋರಿಸುತ್ತಿರುವ ಪ್ರೀತಿ ಕಾಳಜಿ ಅನುಕರಣೀಯ.
ಕಾಡಾನೆಗಳಿಗೆ ಕೃಷಿ ಹಾನಿಯೂ ಆಗಿದೆ. ಜನರು ಪ್ರಾಣ ಕಳೆದುಕೊಂಡಿದ್ದಾರೆ. ಹೀಗಿದ್ದರೂ ಎರಡು ಮದಗಜಗಳ ನಡುವಿನ ಕಾಳಗ ಹಾಗೂ ಅವುಗಳಿಗೆ ಆಗಿರುವ ಗಾಯದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ನಡೆಯುತ್ತಿರುವ ಚರ್ಚೆ ಹಾಗೂ ಈ ಮೂಕ ಪ್ರಾಣಿಗಳ ಬಗ್ಗೆ ಜನರು ವ್ಯಕ್ತಪಡಿಸುತ್ತಿರುವ ಕಾಳಜಿ ಸಾಕಷ್ಟು ಕುತೂಹಲ ಕೆರಳಿಸಿದೆ.
ಸೋಶಿಯಲ್ ಮೀಡಿಯಾ ಪ್ರತಿಕ್ರಿಯೆಗಳು
- ಸ್ಥಳೀಯರು ಆನೆಗಳ ಶಕ್ತಿ, ಧೈರ್ಯ ಮತ್ತು ಕಾಡಿನ ಸೌಂದರ್ಯವನ್ನು ಮೆಚ್ಚಿಕೊಂಡಿದ್ದಾರೆ.
- ವೈಲ್ಡ್ ಭೀಮ” ತನ್ನ ಬಲಿಷ್ಠ ದೇಹ ಮತ್ತು ಹೋರಾಟದ ಶೈಲಿಯಿಂದ ಅಭಿಮಾನಿಗಳನ್ನು ಗಳಿಸಿದ್ದಾನೆ.
- ವಿಡಿಯೋಗಳು, ಫೋಟೋಗಳು, ಮೀಮ್ಸ್ಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.
- ಸ್ಥಳೀಯರ ಕಾಡಾನೆ ಪ್ರೇಮ
- ಗ್ರಾಮಸ್ಥರು ಆನೆಗಳನ್ನು ತಮ್ಮ ಕುಟುಂಬದ ಸದಸ್ಯರಂತೆ ನೋಡಿಕೊಳ್ಳುತ್ತಾರೆ.
- ಕಾಡು ಪ್ರದೇಶದಲ್ಲಿ ಆನೆಗಳಿಗೆ ನೀರು, ಆಹಾರ ಒದಗಿಸುವ ಮೂಲಕ ಪ್ರೀತಿ ತೋರಿಸುತ್ತಿದ್ದಾರೆ.
- “ವೈಲ್ಡ್ ಭೀಮ” ಮತ್ತು “ಕ್ಯಾಪ್ಟನ್” ನಡುವಿನ ಕಾದಾಟವನ್ನು ಕಾಡಿನ ನೈಸರ್ಗಿಕ ಜೀವನದ ಭಾಗ ಎಂದು ಸ್ವೀಕರಿಸಿದ್ದಾರೆ.
- ಆನೆಗಳ ಸಂರಕ್ಷಣೆಗಾಗಿ ಯುವಕರು ಜಾಗೃತಿ ಅಭಿಯಾನಗಳನ್ನು ನಡೆಸುತ್ತಿದ್ದಾರೆ.
- ಈ ಘಟನೆ ಕೇವಲ ಕಾದಾಟವಲ್ಲ, ಮಾನವ–ಪ್ರಕೃತಿ ಸಂಬಂಧದ ಜೀವಂತ ಉದಾಹರಣೆ. ಸ್ಥಳೀಯರ ಕಾಡಾನೆ ಪ್ರೇಮವು, ವೈಲ್ಡ್ ಭೀಮನಂತಹ ಆನೆಗಳಿಗೆ ಸುರಕ್ಷಿತ ವಾಸಸ್ಥಳ ಒದಗಿಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತಿದೆ.
