ವಿಜಯನಗರ ಜಿಲ್ಲೆ ಕೂಡ್ಲಿಗಿ : ಲೋಕ ಕಲ್ಯಾಣಾರ್ಥವಾಗಿ ಪಟ್ಟಣದಲ್ಲಿ ಜೂನ್ 2 ರಂದು , ನಾಗರೀಕರ ಆಸ್ಥಿಕರ ಧಾರ್ಮಿಕ ಶ್ರದ್ಧಾವಂತ ಮಹಿಳೆಯರ ಸಹಭಾಗಿತ್ವದಲ್ಲಿ ” ಹೋಳಿಗೆಮ್ಮ ಹಬ್ಬ ” ಆಚರಣೆ ಸಂಪನ್ನಃಗೊಂಡಿತು.ಪಟ್ಟಣ ಸೇರಿದಂತೆ ಕ್ಷೇತ್ರದಲ್ಲಿ ನಾಡಿನಲ್ಲಿ
ಉತ್ತಮ ಮಳೆ, ಬೆಳೆ ಮತ್ತು ಜನ ಜಾನುವಾರುಗಳ ಆರೋಗ್ಯಕ್ಕಾಗಿ ಪ್ರಾರ್ಥನೆ ಮಾಡಿ, ‘ಹೋಳಿಗೆಮ್ಮ’ ಹಬ್ಬವನ್ನು ಸಾಂಪ್ರದಾಯಿಕವಾಗಿ ಆಚರಿಸಿ ಶ್ರೀಗ್ರಾಮ ದೇವತೆ ಊರಮ್ಮಳ ಕೃಪಾಕಟಾಕ್ಷಕ್ಕೆ ಪಾತ್ರರಾಗಿದ್ದಾರೆ.
ಹೋಳಿಗೆಮ್ಮ ಕಳುಹಿಸಿ ಕೊಡುವುದು ಆರಣೆಯಿಂದಾಗಿಯೇ , ಯಾವುದೇ ಬರ ಭೀಕರ ರೋಗ – ಋಜಿನಗಳು, ಪ್ರಕೃತಿ ವಿಕೋಪಗಳು ಜರಗುವುದಿಲ್ಲ. ಸರ್ವರು ಸುಭೀಕ್ಷೆಯಿಂದರಿಬಹುದು ಎಂಬ ನಂಬಿಕೆ, ಲೋಕ ಕಲ್ಯಾಣಕ್ಕಾಗಿ , ಹಾಗೂ ಕಾಲ ಕಾಲಕ್ಕೆ ಸಾಕಷ್ಟು ಮಳೆ ಬೆಳೆ ಬಂದು ಸರ್ವಜೀವಿಗಳಿಗೂ ಲೇಸನ್ನುಂಟು ಮಾಡಲೆಂದು ದೆೇವತೆಯಲ್ಲಿ ಕೋರಲಾಗುತ್ತೆ.ಪ್ರತಿ ಮನೆಗೊಬ್ಬರಂತೆ ಪಟ್ಟಣದ ಎಲ್ಲಾ ಮನೆಯವರು , ಹೋಳಿಗೆಮ್ಮ ಹಬ್ಬದಲ್ಲಿ ಶ್ರದ್ಧಾ ಭಕ್ತಿಯಿಂದ ಭಾಗವಹಿಸಿದ್ದರು.
ದೇವಿಗೆ ಎಡಿಯಾಗಿ ಹೋಳಿಗೆ ಅಥವಾ ಹೂರಣ , ಹಣ್ಣಿನ ಶೀಕರಣೆ ತುಪ್ಪ ಮತ್ತು ಅನ್ನ ಸಾಂಬಾರು ಸೇರಿದಂತೆ ವಿವಿದ ಖಾಧ್ಯಗಳನ್ನು. ಅತ್ಯಂತ ಶ್ರದ್ಧಾ ಭಕ್ತಿಯಿಂದ ಮಡಿವಂತಿಕೆಯಿಂದ , ಅಡುಗೆಗಳನ್ನು ಸಿದ್ಧಪಡಿಸುತ್ತಾರೆ.ವೈಯ್ಯಕ್ತಿಕ ಸ್ವಚ್ಚತೆ ಹಾಗೂ ಮನೆ ಮನೆಯ ಸುತ್ತಲಿನ ಪರಿಸರ ಸ್ವಚ್ಚತೆಗೆ , ಈ ಸಂದರ್ಭದಲ್ಲಿ ಹೆಚ್ಚು ಒತ್ತು ನೀಡಲಾಗುತ್ತೆ.ಅಮ್ಮಳನ್ನು ಉಡಿಯಲ್ಲಿರಿಸಿಕೊಂಡು ತೆರಳಿ ಗ್ರಾಮದೇವರ ಮರದ ಕೆಳಗಡೆ , ಅಥವಾ ಜನವಸತಿ ಸ್ಥಳದಿಂದ ಕೂಗಳತೆ ದೂರದಲ್ಲಿ. ಇಲ್ಲವೇ ಊರಾಚೆಗೆ ತೆರಳಿ ಮಡಿಕೆ ರೂಪದ ದೇವಿಯನ್ನಿರಿಸಿ , ದೇವಿಗೆ ನಮಸ್ಕಾರ ಮಾಡಿ ಪ್ರಾರ್ಥನೆ ಸಲ್ಲಿಸಿ ನೈವೇದ್ಯ ಮಾಡಿ ಹಿಂತಿರುಗಿ ನೋಡದೇ ಮೌನ ವ್ರತದೊಂದಿಗೆ ಮನೆಗೆ ಬರುವುದು ವಾಡಿಕೆಯಾಗಿದೆ.
ಹೋಳಿಗೆಮ್ಮ ಹಬ್ಬವು ಕರ್ನಾಟಕದ ವಿಜಯನಗರ ಜಿಲ್ಲೆ , ಬಳ್ಳಾರಿ, ಕೊಪ್ಪಳ, ಚಿತ್ರದುರ್ಗ ಮತ್ತು ದಾವಣಗೆರೆ ಜಿಲ್ಲೆಗಳ ಪಟ್ಟಣ ನಗರ ಪ್ರದೇಶ ಸೇರಿದಂತೆ , ಗ್ರಾಮೀಣ ಪ್ರದೇಶಗಳಲ್ಲಿ ಬಹು ಅರ್ಥಪೂರ್ಣ ಹಾಗೂ ವಿಶಿಷ್ಟವಾಗಿ ಸಾಂಪ್ರದಾಯಿಕವಾಗಿ ಆಚರಿಸಲಾಗುತ್ತದೆ.
ಊರಿನ ಸಂಕಷ್ಟಗಳನ್ನು ಕಳೆಯಲು, ಉತ್ತಮ ಮಳೆ-ಬೆಳೆಗಾಗಿ ಮತ್ತು ರೋಗ ಋಜಿನಗಳು ದೂರಾಗಲೆಂದು ಇದನ್ನು ಆಚರಿಸಲಾಗುತ್ತದೆ.
ಈ ಅಪರೂಪದ ಸನ್ನಿವೇಶದ ಮೂಲಕ ಹೊಳಿಗೆಮ್ಮ ಹಬ್ಬ , ಸಮಾಜದಲ್ಲಿ ಸೌಹಾರ್ಧತೆ ಧರ್ಮಶ್ರದ್ಧೆ ಏಕತೆಯನ್ನು ಸಾಧರಪಡಿಸಿ ಸಾಕ್ಷೀಕರಿಸುತ್ತದೆ
